ل ١٨ێ تیرمەهێ، ل باژێرێ تاشكەندێ کۆڕبەندێ ئابووری ل نێڤبەرا ژوورا بازرگانی و پیشەسازی یا ئۆزبەكی و ئێکەتیا ژوورێن بازرگانی و پیشەسازی ل هەرێما كوردستانا عێراقێ هاتە سازكرن. د کۆڕبەندیدا وەفدەك ب سەرۆكاتیا ئێکەتیا ژوورێن بازرگانی و پیشەسازی ل هەرێمێ پشكدار بوو، كو پێكهاتبوو ژ سەرۆكێن ژوورێن بازرگانی یێن دهۆك، هەولێر، سلێمانی، هەڵەبجە و كەرکووكێ، زێدەباری نوێنەرێن ئێکەتیێن سێكتەران و زێدەتر ژ ٤٠٠ نوێنەرێن جڤاكێ بازرگانی و كەرتی تایبەت ل هەر دو وەلاتان.

چالاكی ب پەیڤێن ب خێرهاتنێ ژ لایێ دافرون فاهابوف (سەرۆكێ ژوورا بازرگانی یا ئۆزبەكی)، گەیلان سعيد عەزیز (سەرۆكێ ئێکەتیا ژوورێن بازرگانی ل هەرێمێ)، ئەیوب خان یونسوف (باڵیوەزێ ئۆزبەكستانێ ل كوەیتێ) و شکری جمیل نوری (سەرۆكێ ژوورا بازرگانی یا دهۆكێ) هاتە ڤەكرن. د پەیڤان دا جەخت ل سەر پێشكەفتنا پەیوەندیێن ئابووری، زێدەكرنا قەبارەیێ ئاڵوگۆڕا بازرگانی، ڕاكێشانا وەبەرهێنانێ و بەرفرەهكرنا هەڤكاریا B2B هاتە كرن.

ئیمزاكرنا یاداشتێن لێكگەهشتنێ

ل داوییا چالاكیێ، یاداشتەکا هەڤكاریێ ل نێڤبەرا ژوورا بازرگانی یا ئۆزبەكی و ئێکەتیا ژوورێن بازرگانی ل هەرێما كوردستانێ هاتە ئیمزاكرن، زێدەباری ئیمزاكرنا یاداشتێن لێكگەهشتنێ ل نێڤبەرا ژوورێن بازرگانی یێن دەڤەران:

ژوورا بازرگانی و پیشەسازی یا باژێرێ تاشكەندێ — ژوورا بازرگانی و پیشەسازی يا هەڤلێر
ژوورا بازرگانی و پیشەسازی يا هەرێما تاشكەندێ — ژوورا بازرگانی و پیشەسازی يا سلێمانیێ
ژوورا بازرگانی و پیشەسوزی يا هەرێما سمرقندێ — ژوورا بازرگانی و پیشەساخی يا دهۆکێ
ژوورا بازرگانی و پیشەسازی يا هەرێما بخارا — ژوورا بازرگانی و پیشەسازی يا هەلەبجە
ژوورا بازرگانی و پیشەسازی يا هەرێما سيرداريا — ژوورا بازرگانی و پیشەسازی يا كەركووكێ

ئەڤ ڕێككەفتنە دێ بنە ئەگەڕێ بەرفرەهكرنا ئاسۆیان یێن بازرگانی و ئابووری و بەرهێزكرنا هەڤپشكیا درێژخایەن ل نێڤبەرا خودانێن كاران.