هەکاری، 3ێ تیرمەها 2026ێ شاندا ژوورا بازرگانی و پیشەسازی یا دهۆکێ، کو پێکهاتبوو ژ ڕێزداران: شوکری جەمیل سەرۆکێ ژوورێ، و بەیار حەجی مووسا ئەندامێ جڤاتا کارگێڕی، پشکداری د وۆرکشۆپا ناڤدەوڵەتی یا "ناڤەندا لۆجستی یا سنۆری یا هەکارییێ" دا کر کو ل باژارێ گەڤەرێ ل ژێر درویشمێ "ژ پێگەهء ستراتیژی بەرەڤ وەبەرهێنانا ستراتیژی" هاتبوو ڕێکخستن.
د ڤێ وۆرکشۆپا دو ڕۆژیدا (کو شاندێن ژوورێن دی یێن هەرێمێ وەک هەولێرێ و شاندێن ژوورێن وەلاتێن دەوروبەر و پارێزگارێ هەکارییێ ئیبراهیم تاشیاپان و هەڤسەرۆکێن باژێرڤانییا گەڤەرێ و هەژمارەکا ئەکادمسیەنان ژی تێدا پشکدار بوون)، گەنگەشە ل سەر دیجیتالیکردنا بازرگانییا سنۆری، مۆدێلێن وەبەرهێنانێ، و پێشڤەبرنا هێڵێن لۆجستی د ناڤبەرا هەرێما کوردستانێ و تورکیایێ دا هاتەکرن.
د پەیڤەکێدا سەرۆکێ ژوورێ دەستخۆشی ل رێکخەرێن وۆرکشۆپی کر و تەکەز ل وێ چەندێ کر کو بابەتێ وۆرکشۆپێ پێدڤیاتییەکا هەنۆکەیی و کردارییە و ژوورا دهۆکێ بۆ ڤێ هەماهەنگییێ بەرهەڤە و دێ هەمی شیانێن خۆ بۆ ڤێ مەبەستێ دەتە کاری.