ڕۆژا چارشەمبی ٢٣/٩/٢٠٢٦ ل باژێرێ هەولێرێ، ب ئامادەبوونا ڕێزدار ئەڤراز بەهجەت عەبدوڵڵا، ئەندامێ جڤاتا ژوورا بازرگانی و پێشەسازییا دهۆکێ، کۆڕبەندا ئابووری د ناڤبەرا هەرێما کوردستانێ و کۆمارا ئۆزبەکستانێ دا هاتە برێڤەبرن.
ل دەستپێکا کۆڕبەندێ دا، ڕێزدار گەیلان حاجی سەعید، سەرۆکێ یەکێتیا ژوورێن بازرگانی و پێشەسازییێن هەرێما کوردستانێ، پەیڤەک پێشکێشکر و ئاماژە ب ڕەوشا بازرگانی و پێشەسازییا هەرێمێ و پەیوەندیێن یەکێتییا ژووران دگەڵ وەلاتێن جیهانێ كر. گۆت:
«ئەم نێزیکی ١٥٠ کۆمپانیا و بازرگانان سەرەدانا وەلاتێ ئۆزبەکستانێ كر و دیدارەکا گرنگ یا ئابووری ئەنجام دا و ژمارەکا ڕێککەفتننامە و یاداشتنامەیێن لێکگەهشتنێ دگەڵ بازرگان و ژوورێن بازرگانی یێن ئۆزبەکستانێ ئیمزا كرن.»
هەروەسا ئاماژە ب ڤەکرنا سەنتەرەکێ بازرگانی یێ ئۆزبەکستانی ل شاری هەولێرێ د دەمەکێ نێزیک دا كر و ئامادەییا خۆ بۆ هەموو جۆرێن هاریکاری و هەماهەنگیێ نیشان دا.
پاشان چەند پەیڤ هاتنە پێشکێشکرن ژلایێ:
- سەید خان، ڕێڤەبەرێ پەیوەندیێن ئابووری یێن دەرڤە یێ ئۆزبەکستانێ، کو گۆت: «مە دڤێت ل هەرێما کوردستانێ کار بکەین و زێدەتر دگەڵ بازرگان و وەبەرهێنەرێن هەرێمێ کارێ بازرگانی بکەین.»
- ئەیوب خان، باڵیۆزێ ئۆزبەکستانێ ل عێراقێ، کو ڕاگەهاند: «ئەز کەیفخۆشم کو ئەڤرۆ لێرەمە بۆ ئەنجامدانا وێ دیدارا بازرگانی، چونکی هەرێما کوردستانێ دەڤەرەکا زۆر جیاوازە بەراورد ب دەڤەرێن دی یێن عێراقێ.»
- د. محەمەد شوکری، سەرۆکێ دەستەیا وەبەرهێنانا هەرێما کوردستانێ، کو دەستخۆشی ل سەرۆکێ یەکێتیا ژووران كر و گۆت: «یا گرنگە بازرگان و وەبەرهێنەرێن هەرێمێ کاڵا و بەرهەمێن خۆ هەناردەی ئۆزبەکستانێ بکەن و ئاڵوگۆڕا بازرگانی زێدەتر بکەن.»
پاشان دیدارا B2B د ناڤبەرا بازرگان و وەبەرهێنەرێن هەرێما کوردستانێ و کۆمارا ئۆزبەکستانێ دا هاتە برێڤەبرن.