کۆمبونا یا ئێکەتیا ژوورێن بازرگانی یێن عێراقێ ل دهوکێ هاتە ئەنجامدان
ئەڤرو، رۆژا یەکشەممە (26/07/2026)، ل باژێرێ دهوکێ کۆمبونا یا ئێکەتیا ژوورێن بازرگانی یێن عێراقێ، ب سەرۆکاتیا بەرێز عامر خلف علاوي، سەرۆکێ ئێکەتیا ژوورێن بازرگانی یێن عێراقێ، و ب میوانداری و ئامادەبوونا بەرێز شکری جمیل نوری، سەرۆکێ ژوورا بازرگانی و پیشەسازی یا دهوکێ، و بەشداریا سەرۆک و نوێنەرێن ژوورێن بازرگانی یێن پارێزگەهێن جودا هاتە ئەنجامدان.
د ناڤ کۆمبوونێدا گفتوگۆ ل سەر کار و چالاکییێن ژوورێن بازرگانی، هەروەها دوماهی دۆخ و ئاستەنگێن بەرامبەر ب بازرگانی و ئابووری هاتە کرن، و رێبازێن باشترکرنا ژینگەها بازرگانی و بەهێزکرنا هاوکاری و هەماهەنگی د ناڤبەرا ژووراندا هاتن تاوتوێکرن.
هەروەسا، باس ل دوماهی بریار و رێکارێن پەیوەندیدار ب جێبەجێکرنا سیستەمێ ASYCUDA (ئەسیکودا) هاتە کرن، و شێوازێن بەردەوامکرنا جێبەجێکرنا وێ ب مەبەستا ئاسانکرنا کارێن گومرکی و بازرگانی و پشتەوانیکرنا بزوتنا بازرگانی هاتن دیارکرن.
ل دوماهیا کۆمبوونێ، بەشداربوویان گرنگی دا بە بەردەوامبوونا هاوکاری و هەماهەنگی د ناڤبەرا ئێکەتیا ژوورێن بازرگانی یێن عێراقێ و هەمی ژووراندا، و پێدانی چارەسەرییێن کرداری بۆ ئاستەنگێن بەرامبەر کەرتێ بازرگانی، ژ بۆ پشتەوانیکرنا ئابووریا نیشتمانی و پەرەپێدانا گەشەپێدانا بەردەوام.