ئەڤرۆ رێزدار شکری جمیل نوری، سەروکێ ژوورا بازرگانی و پێشەسازییا دهۆکێ، و رێزدار آیدن عبدالرحمن، رێڤەبەرێ ژوورێ، دگەل ژمارەکا بازرگانان، پێشوازی ل شاندەکێ بلند یێ کۆمەلا پێشەسازان و خودانکارێن تورکیا (USİAD) کر، ب سەرۆکاتییا رێزدار نەواف قلیج، سەروکێ گشتی یێ رێکخراوێ، و ژمارەکا مەزن ژ خودانکار، بازرگان و پێشەسازێن خودان پشک.
ئەندامێن شاندی د چەندین بوارێن جودا دا کار دکەن، ژ وان:
- خوراک و ڤەخوارن
- چارەسەری و ساخلەمی
- بیناسازی
- پاککەرەوە
- لۆجستیک و کەرتێن دیتر
د کۆمبوونێ و دانوستاندنێن B2B دا، هەردوو ئالی ل سەر زێدەکرنا هەماهەنگییا ئابووری، ڤەکرنا دەرفەتێن نوو یێن وەبەرهێنانێ و دروستکرنا هەڤبەشییێن درێژخایەن د ناڤبەرا کەرتێ تایبەت یێ تورکیا و هەرێما کوردستانێ دا دانوستاندن کر.
ژ لایێ خۆ ڤە، سەروکێ ژوورێ تیشک خستە سەر گرنگیا بێهێزکرنا پەیوەندییێن بازرگانی و دووپاتکر کو ژوورا بازرگانی و پێشەسازییا دهۆکێ هەمیشە پشتەڤانە بۆ هەر هەولەکا کو خزمەتا گەشەپێدانا ئابووری بکەت.