ل ئێڤارا ٢٨ی تشرینا ئێکێ ٢٠٢٦ و ل چوارچۆڤەیا سەردانا خو یا فەرمی بۆ وەلاتێ ئەلمانیا، شاندێ ئێکەتیا ژوورێت بازرگانی و پێشەسازییێت هەرێما کوردستانێ ب بەشداریا شاندەکێ ژوورا بازرگانی و پێشەسازییا دهۆکێ ب سەرۆکاتیا سەرۆکێ ژوورێ و بازرگانێت پارێزگەها دهۆکێ، سەردانا باڵیۆزخانا کۆمارا عێراقێ ل باژێرێ بەرلینێ کر.
شاند ژ لایێ رێزدار عەلی گەلالی، باڵیۆزێ عێراقێ ل ئەلمانیا، ب گەرمی هاتە پێشوازیکرن. د کۆمبوونێدا، جێگرێ باڵیۆزی جەخت ل سەر گرنگیا سوودوەرگرتنێ ژ ئەزموون و تەکنەلۆژیا وەلاتێ ئەلمانیا کر بۆ راکێشانا سەرمایەگوزاریا بیانی بۆ عێراقێ و هەرێما کوردستانێ.
ژ لایێ خۆ ڤە، سەرۆکێ ژوورا بازرگانی و پێشەسازییا دهۆکێ و شاندێ یاوەر داخازییا هەماهەنگیێ و ئاسانکارییێت پتر بۆ بازرگان و کۆمپانیێت دهۆکێ و هەرێما کوردستانێ کر، هەروەسا بەرهەڤیا تەمامیا ژوورێ دیار کر بۆ ئاڤاکرنا پردەکێ پەیوەندییا بەهێز ل نێڤبەرا بازرگان و کۆمپانیێت هەردووان.