دهۆک، 14ێ تیرمەها 2026ێ ب مەرەما خورتکرنا پەیوەندییێن بازرگانی، ڕێزداران شوکری جەمیل سەرۆکێ ژوورێ، ئەڤراز بەهجەت و خالد حاجی ئەندامێن جڤاتا کارگێڕی یا ژوورێ، پێشوازی ل شاندەکا جڤاتا ئابۆری و بازرگانی یا ڕووسیا کر کو پێکهاتبوو ژ ڕێزداران: دانەر ئەبۆبەکر (بەرپرسێ دۆسیەیا ئابۆری و نوێیەراتییا حکومەتێ)، ماکسیم مەلهەچووک (سەرۆکێ جڤاتا ئابۆری یا ڕووسیا و ئیراقێ)، سامانی ئۆدیشۆ و دلڤیک یاکوبۆڤ (کۆمەلەیا بازرگانێن ئاشووری)، پیۆتەر گیڤۆرگیزۆڤ (خودانێ کۆمپانیا رۆڤنیسکی)، دانیێل مالکی (بانکڤان)، و رەمزی مازرە (نۆشدار).
د دیدارێدا، پێشوازییا گەرم ل شاندی هاتەکرن و بەحسی چەندین تەوەرێن بازرگانی و پیشەسازی هاتەکرن؛ ژوورا مە داخواز ژ کۆمپانییێن ڕووسی کر کو بۆ مەرەما وەبەرهێنانێ بهێنە پارێزگەها دهۆکێ. هەروەسا د هەمان دەمدا، بۆ ئالوگۆڕکرنا پێزانینان و مفا وەرگرتنێ جڤینەکا ئۆنلاین ل گەل دو سەرۆکژوورێن بازرگانی یێن ڕووسیا هاتەکرن ب مەرەما دروستکرنا لینکەکێ پەیوەندییان یێ ڕاستەوخۆ بۆ بازرگانێن هەردولایان.