ب مەرەما هەماهەنگییا هەوبەش و بهێزکرنا پرەکا ئابووری و تەکنیکی د ناڤبەرا سێکتەرێ تایبەت و ئەندازیاری دا، یاداشتا لێکتێگەهشتنێ و هەڤکارییا هەوبەش د ناڤبەرا ژوورا بازرگانی و پێشەسازییا دهۆکێ و سەندیکا ئەندازیارێن کوردستانێ – لقا دهۆک هاتە ئیمزاکرن.
رێورەسمێن ئیمزاکرنا ڤێ یاداشتنامێ ب ئامادەبوونا بەڕێز شکری جمیل نوری، سەرۆکێ ژوورا بازرگانی و پێشەسازییا دهۆکێ، و بەڕێز م. عەلی نەعمەت، سەرۆکێ سەندیکا ئەندازیارێن کوردستانێ – لقا دهۆک، و هژمارەک ژ ئەندامێن کارگێری و بەرپرسێن هەردوو لایەنان ڤە برێڤەچوو.
ئەڤ یاداشتە د خالێت خۆ یێن سەرەکی دا گرنگیێ ددەتە:
- پێشخستنا بەرهەمێ ناڤخۆیی
- رەخساندنا دەرفەتێن کاری بۆ گەنج و ئەندازیاران
- بلندکرنا ئاستێ کوالیتی و سەلامەتیێ د پرۆژە و کارگەهان دا
- زێدەکرنا هەڤکارییا د ناڤبەرا کۆمپانی و کارگەه و ئەندازیاریان دا
ژوورا بازرگانی و پێشەسازییا دهۆکێ دووپات کر کو دێ بەردەوام بیت د پشتەڤانیکرنا هەمی ئەو دەستپێشخەرییێن کو خزمەتا ژینگەها کار و گەشەپێدانا ئابووری و پێشڤەبرنا پارێزگەها دهۆکێ دکەن.