پاشنیڤەرۆیا دووشەمبی ٢٦ / ١٠ / ٢٠٢٦، سەرۆکێ ژوورا بازرگانی و پێشەسازییا دهۆکێ بەشداری ل کۆمبوونەکا گرنگ کر کو دگەل رێزدار مەسرور بارزانی، سەرۆکێ حکوومەتا هەرێما کوردستانێ، دگەل ژمارەکا بازرگان، پیشەساز، وەبەرهێنەر، بەلێندەر و ئەندازیارێن دەڤەرا بادینان برێڤەچوو.
د کۆمبوونێ دا، سەرۆکێ ژوورێ گوتارەک پێشکێش کر و چەندین داخواز و پێشنیازێن گرنگ یێن کەرتێ تایبەت پێشکێشی سەرۆکێ حکوومەتێ کرن بۆ پێشئێخستنا بزاڤا بازرگانی و ئابووریا دەڤەرێ.
سەرۆکێ حکوومەتێ ژی تەکەز ل سەر رۆلێ گرنگ یێ کەرتێ تایبەت کر و دووپاتکر کو حکوومەت دێ بەردەوام بیت ل سەر پێشکێشکرنا ئاسانکارییان بۆ پێشخستنا کەرتێ تایبەت و هەمی کەرتان ل هەرێما کوردستانێ.