د چارچووڤێ کار و چالاکیێن بەردەوام یێن داکۆکیکرنێ ل سەر بەرژەوەندیێن چینا بازرگان و خودان کاران، رێزدار شکری جمیل نوری، سەرۆکێ ژوورا بازرگانی و پێشەسازییا دهۆکێ، بەشداری د کۆمبوونا گشتی یا ئێکەتیا ژوورێن بازرگانیێن عێراقێ دا ل بەغدا کر.
د ڤێ کۆمبوونێ دا گەنگەشە ل سەر چەندین بابەت و مژارێن گرنگ یێن چینا بازرگان و بابەتێن گرێدایی ژوورێن بازرگانیێن عێراقێ هاتە کرن، د ناڤ وان دا:
- پێشهاتێن بهایێ ئالوگورێ و کاریگەریێن وێ ل سەر بزاڤا بازرگانی و هاوردەکرنا کالایان
- رێکار و رسوماتێن کەڤن و نوو یێن سەر کالایێن هاوردەکری، بۆ دابینکرنا ئاسانکارییان بۆ بازرگانان و پاراستنا بازارێ خۆمالی
سەرۆکێ ژوورێ تەکەزی ل سەر پێویستیا هەماهەنگییا ب هێز د ناڤبەرا ژوورێن بازرگانی دا کر، بۆ چارەسەرکرنا کێشە و ئاستەنگێن کو ل پەی رێکارێن کارگێری و ئابووری دهێنە پێش، د پێخەمەت پەرەپێدانا ئابووری و پشتەڤانیکرنا بازرگانێن هەرێمێ و عێراقێ.