ژوورا بازرگانی و پێشەسازییا دهۆکێ هەمی ئەندام و هەلگرێن ناسنامێن خۆ ل سەرانسەری پارێزگەها دهۆکێ و ئیدارا سەربەخۆیا زاخۆ ئاگەهدار دکەت کو مولەتا لێخۆشبوونێ (لێبورین) تا رێکەفتی ٣٠ / ١١ / ٢٠٢٦ بەردەوامە.
تێبینی و رێنماییێن گرنگ ئەڤ ئینە:
- ئەو کەسێن نەبازرگان (ئەوێن ئەندامەتی هەیی و نوکە کارێ بازرگانی ناکەن) دشێن هەتا مێژووا دەستنیشانکری (٣٠ / ١١ / ٢٠٢٦) ناسنامێن خۆ بهەلوەشینن بێی ئەنجامدانا هیچ سزایەکێ ماليی. سزایێن داراییێن چەندین سالێن بۆری دێ بەخشین و لێخۆشبوون بۆ دهێتە کرن.
- خودانێن کار و بازرگان دشێن ناسنامێن خۆ نوی بکەن ل دووڤ رێنماییان، و ل شوونا هەمی سالێن بۆری یێن سەرەدانا ژوورێ نەکری، بتنێ رسووماتێن دوو سالان دێ ژێ هێنە وەرگرتن.
ژوورێ داخواز ژ ئەندامان کر کو بەری دوماهیک هاتنا مولەتێ (٣٠ / ١١ / ٢٠٢٦) قەستا ژوورا بازرگانی و پێشەسازییا دهۆکێ و نڤێسینگەها ژوورێ ل زاخۆ بکەن بۆ ئەنجامدانا مامەلەیێن خۆ.