ئێڤارا ئەڤرۆ، ٢٩ێ ئەیلولا ٢٠٢٦ێ، بەڕێز شکری جمیل نوری، سەرۆکێ ژوورا بازرگانی و پێشەسازییا دهۆکێ، بەشداری ل رێورەسمەکا تایبەت کر کو ل باژێرێ هەولێرێ ب هەلکەفتا ٣٥ەمین سالڤەگەرا رۆژا سەربەخۆییێ (رۆژا نیشتمانی) یا کۆمارا ئەرمینیا هاتە سازکرن، ب ئامادەبوونا ژمارەکا بەرپرسێن حکومی و حزبی و بالیۆز و نوێنەرێن وەلاتان و دیپلۆماتکارێن ل هەرێما کوردستانێ.
د ڤێ بەشداریکرنێ دا، سەرۆکێ ژوورێ ل سەر ناڤێ جڤاتا کارگێری یا ژوورێ و بازرگانێن دەڤەرا دهۆکێ، گەرمترین پیرۆزباهی ئاراستەی بالیۆز و قونسولخانە و گەلێ ئەرمینیا کرن و هیڤییا سەرکەفتنێ بۆ پەیوەندیێن بەردەوام خواست.
هەروەسا رێزدار سەرۆکێ ژوورێ جەخت ل سەر گرنگییا بەرفرەهکرنا پەیوەندیێن ئابووری و بازرگانی د ناڤبەرا دهۆک و کۆمارا ئەرمینیا دا کر، و داخاز ژ بالیۆزێ ئەرمینیا کر سەرەدانا پارێزگەها دهۆکێ و ئیدارا سەربەخۆیا زاخۆ بکەت، ب ئارمانجا بهێزکرنا پردێن هەماهەنگی و هەڤکاریێ د ناڤبەرا بازرگانێن هەر دو ئالییان دا.