ب مەرەما رێزگرتن ل رولێ کاریگەر یێ بازرگان و خودانکاران د خزمەتکرنا خەلکێ خۆ دا، ژوورا بازرگانی و پێشەسازییا دهۆکێ ل ژێر چاڤدێری و ئامادەبوونا بەڕێز پ. د. عەلی تەتەر، پارێزگارێ دهۆکێ، ل هۆلا خارنگەها مالطا ئاهەنگا (بازرگان د خزمەتا جڤاکی دا) ب سەرکەفتیانە ب رێڤە بر.
ئەڤ رێورەسمە ب بەرهەڤبوونا ژمارەکا میڤانان هاتە گێران، ژ وان:
- بەڕێز ماجد سەید صالح، جێگرێ پارێزگارێ دهۆکێ
- بەڕێز بریندار حەیدەر، قائمقامێ دهۆکێ
- بەڕێز یوسف صەبری و بەڕێز زبێر عەبداللە، کارگێرێن لقا ئێک یا پارتی دیموکراتی کوردستان
- بەڕێز د. داود سلێمان ئەتروشی، سەروکێ زانکویا دهۆکێ
- نوینەرێن زانکویا کوردستان یا ئەمریکی و زانکویا نەوروز، سەروکێن سەندیکا و رێکخراوان، رێڤەبەرێن گشتی و ژمارەکا مەزن ژ بازرگان و وەبەرهێنەر و پیشەسازێن پارێزگەهێ
خەلاتێ سالانە یێ ژوورێ پێشکێشی وان بازرگانێن خودان هەلویستێن نیشتمانی و خێرخاز هاتە کرن یێن کو د دەمێ قەیران و تەنگاڤیان دا هاریکارییا مللەتێ خۆ کرین، ب تایبەتی ئەو بازرگانێن ب هەوارا خەلکێ مە یێ رۆژئاڤایێ کوردستانێ ڤە چووین.
د پەیڤێن ئاهەنگێ دا، دوپاتی ل سەر بهێزکرنا هەماهەنگییا د ناڤبەرا کەرتێ گشتی و کەرتێ تایبەت دا هاتە کرن ژ بۆ ئاڤاکرنا پاشەرۆژەکا گەشتر.
وەلات ب دلسۆزییا رۆلەیێن خۆ ئاڤا دبیت، نە ب بیانیا.
ژوورێ سوپاسییا بێپایان پێشکێشی هەموو میڤانێن هێژا، بازرگانان و دەزگەهێن راگەهاندنێ کر بۆ ئامادەبوون و پشتەڤانییا وان د سەرئێخستنا ڤێ چالاکیێ دا.


