کونسولێ گشتی یێ کۆمارا چێک سەردانا ژوورا بازرگانی و پیشەسازی یا دهوکێ کر بۆ گفتوگۆکرنا دەرفەتێن هاوکاریا کشتوکالی مسعود سلێمان حسن پێشوازی ل لوکاش گیوریچ کر... گفتوگۆ ل سەر بەهێزکرنا هاوکاریا د نێڤبەرا کومپانیایێن کشتوکالی یێن دهوکێ و چێکێدا بەرێز مسعود سلێمان حسن، جێگرێ سەرۆکێ ژوورا بازرگانی و پیشەسازی یا دهوکێ، پێشوازی ل بەرێز لوکاش گیوریچ، کونسولێ گشتی یێ کۆمارا چێک، کر، ئەوێ سەردانەکا فەرمی بۆ ژوورێ ئەنجام دا، و ژمارەیەکا کومپانیایێن کشتوکالی یێن پارێزگەها دهوکێ ژی ئامادە بوون. د دیدارێدا گفتوگۆ ل سەر چەندین تەوەرێن هاوبەش هاتە کرن، بە تایبەتی ل سەر دۆخ و پەرەپێدانا کەرتێ کشتوکالی، هەروەها دەرفەتێن بەهێزکرنا هاوکاریا د نێڤبەرا کومپانیایێن کشتوکالی یێن پارێزگەها دهوکێ و هاوشێوەیێن وان ل کۆمارا چێکێ. هەروەسا، هەردوو لایەنان ئاسۆیێن پەرەپێدانا پەیوەندییێن ئابووری و بازرگانی، گوهۆرینا شارەزایی و ئەزموونێن کشتوکالی، و دەرفەتێن وەبەرهێنان و پەرەپێدانا بەرهەمێن کشتوکالی تاوتوێ کرن، و چەندین دەلیڤێن هاوبەش بۆ هاوکاریا داهاتووی هاتن دیارکرن. ل دوماهیا دیدارێ، بەشداربوویان گرنگی دا بە بەردەوامبوونا پەیوەندی و هەماهەنگی د نێڤبەرا کەرتێ تایبەت ل هەردوو لایەناندا، ب مەبەستا بەهێزکرنا هاوکاریا ئابووری و پشتەوانیکرنا گەشەپێدانا بەردەوام ل کەرتێ کشتوکالی.