رۆژا چوارشهمبی، ١٩ی تهباخا ٢٠٢٦ێ، ب سهرپهرشتیا بهڕێز د. عهلی تهتهر، پارێزگارێ دهۆكێ، و ب ئامادهبوونا بهڕێز شكرى جميل نورى، سهرۆكێ ژوورا بازرگانی و پیشەسازیا دهۆكێ، ڕێڤهبهرێ گشتی یێ ڕێڤهبهریا وهربهرهێنانێ و هژمارهكا ڕێڤهبهرێن دامودهزگایێن پهیوهندیدار، كۆمبوونا ژماره ٧٠یا لژنا گهشهپێدان و پشگیریكرنا پڕۆژهیێن پیشهسازی و وهبهرهێنانێ ل پارێزگهها دهۆكێ هاته ئهنجامدان.
د كۆمبۆنێ دا، پارێزگارێ دهۆكێ جهخت لسهر بهردهوامییا پڕۆژهیێن خزمهتگۆزاری، پێشڤهچونا كهرتێ پیشهسازی و وهربهرهێنانێ، و دابینكرنا ئاسانكاریێن یاسایی و كارگێری بۆ خودان پڕۆژهیان كر، ب مهبهستا بجهئئینانا پڕۆژهیان و پتر خزمهتكردنا وهلاتیان. د ڤی چوارچوڤهیدا و ل دووڤ ڕێنماییان، ڕازهمهندی لسهر جێبهجێكرنا ١٨ پڕۆژهیێن جۆراجۆر هاته دان، كو پێكدهێن ژ ١٤ پڕۆژهیێن كهرتێ گهشهپێدانا پیشهسازی و ٤ پڕۆژهیێن كهرتێ وهربهرهێنانێ.