بەغدا، 1ێ تیرمەها 2026ێ رێزدار نێچیرڤان لەزگین، جێگرێ سەرۆکێ ئێکەتییا ژوورێن بازرگانی و پیشەسازی یا هەرێما کوردستانێ و ئەندامێ جڤاتا کارگێڕی یا ژوورا بازرگانی و پیشەسازی یا دهۆکێ، ل بەغدا پشکداری د کۆمبوونەکا گرنگ دا کر کو ل ژێر سەرپەرشتییا سەرۆکێ جڤاتا وەزیرێن ئیراقێ ڕێزدار عەلی فالح زەیدی هاتەسازکرن. ئەڤ کۆمبوونە د چارچۆڤەیێ کارێن جڤاتا کارسازی یا ئیراقی-تورکی دا بوو، ب بەرهەڤبوونا بالیۆزێ تورکیا ل ئیراقێ ڕێزدار ئەنيل بورا ئانان و نوینەرێن چەندین کۆمپانیا و سەرمایەدارێن تورک.
د دیدارێدا، سەرۆکوەزیر، عەلی زەیدی تەکەز ل سەر گرنگییا پڕۆژەیێن ستراتیژی یێن وەک "ڕێیا گەشەپێدانێ" و "بەندەرێ فاو" کر و فەرمانا پێشکەشکرنا هەمی ئاسانکارییان بۆ پێدانا ڤیزەیێ و مۆلەتێن کاری بۆ وەبەرهێنەران کر. ژ لایێ خۆ ڤە، ڕێزدار نێچیرڤان لەزگین و بازرگانێن پشکدار بەرهەڤییا خۆ بۆ گەشەپێدانا ئالوگۆڕییا بازرگانی و سازکرنا پڕۆژەیێن هەڤپشک یێن کو خزمەتا ڤەژاندنا ئابۆرییا هەرێما کوردستانێ و ئیراقێ ب گشتی دوپاتکر.