ل ١٧ هەتا ١٩ێ تیرمەها ٢٠٢٦ێ، وەفدەكێ مەزن یێ هەرێما كوردستانێ ب پشكداریا زێدەتر ژ ١٥٠ نوێنەرێن حكومەتێ، جڤاكێ بازرگانی و سەرۆكێن ژوورێن بازرگانی یێن دهۆك، هەولێر، سلێمانی، كەرکووك و هەڵەبجە سەرەدانا ئۆزبەكستانێ كر. ئەڤ سەرەدانە ب هەماهەنگی دگەل باڵیوەزخانەیا ئۆزبەكستانێ ل كوەیتێ و ژوورا بازرگانی یا ئۆزبەكستانێ هاتبوو ڕێكخستن، ب ئارمانجا پەرەپێدانا هەڤكاریا بازرگانی، وەبەرهێنان، چاندن و پیشەسازی.
د کۆمبوونان دا جەخت ل سەر ڕاكێشانا كۆمپانیێن ئۆزبەكی، دابینكرنا ئاسانكاریان و ئەنجامدانا پرۆژەیێن هەڤپشك ل بوارێن پەروەردەكرنا ئاژەلان، بەرهەمئینانا خوارنێ و ئینانا تەكنۆلۆژیایێن نووژەن هاتە كرن. هەروەسا ئەندامێن وەفدی سەرەدانا مەیدانی بۆ چەندین كۆمپانی و فابریکێن مەزن كر، ژ وان ژی:
FONON (دروستكرنا زێڕنگریێ)
Crafers (پیشەسازیا شێرینیان)
TEXNOPARK (كۆمەڵگەها بەرهەمئینانێ)
IMZO (پیشەسازیا ئەندازیاری)
UZTEX GROUP (ڕستن و چنین)
ل داوییا سەرەدانێ، کۆڕبەندەکێ ئابووری ب پشكداریا ٤٠٠ بازرگانان هاتە سازكرن و چەندین یاداشتێن هەڤكاریێ ل نێڤبەرا ژوورێن بازرگانی یێن هەر دو ئالیان هاتنە ئیمزاكرن.